ရွေးကောက်ပွဲနှင့် လူမှုစီးပွား အလုပ်အကိုင်
ဓာတ်ပုံ ကို Chair NLD Page က နေ ယူထားပါတယ် နှစ်စဉ်နှစ်တိုင်း စိတ်ဝင်စားတဲ့ ကိန်းဂဏန်းထဲမှာ ဆယ်တန်းအောင်စာရင်းလည်း ပါပါတယ်။ ဘာကြောင့်လဲဆိုရင် ဖြေတဲ့ လူဦးရေနဲ့ အောင်မြင်တဲ့ အချိုးကွာဟချက် များလွန်းလို့ပဲ။ တစ်နှစ်ကို ဖြေဆိုသူ တစ်သိန်း ကျော်တက်လာသလို တစ်ဖက်က လည်း ကျဆုံးသူ ၅သိန်းနဲ့ ၆သိန်း ကျော် နှစ်စဉ်ရှိနေတာဖြစ်ပါတယ်။ ကျဆုံးသူထဲကနေ ပြန်ဖြေသူ လူဦးရေ ဘယ်လောက်ရှိသလဲ ဆိုတဲ့ အချ က်အလက် မရှိပါဘူး။ တစ်ဖက်မှာလည်း အဆိုပါ အောင်မြင်သူ တွေ ထဲက ဘယ်နှစ်ယောက် တက္ကသိုလ် နေ့ ကျောင်းနဲ့ အဝေးသင် တက်ဖြစ်ပြီး ဘယ်နှစ်ယောက် ကျောင်းပြီးမြောက် အောင်မြင် သွားတယ် ဆိုတာ မျိုးကို တိကျ ခိုင်မာတဲ့ ဒေတာ အချက်အလက် ရရှိနိုင်ဖို့ ခက်ခဲပါတယ်။ ယခုနှစ်ရဲ့ အောင်စာရင်းကြည့်ရင်ကို အောင်မြင်သူနဲ့ကျရှုံးသူ အချိုး တော်တော်ကွာပါတယ်။ လက်ရှိ အနိုင်ရ ပါတီ အပါအဝင် တစ်ချိုု့ ပါတီ တွေ ရဲ့ ရွေးကောက်ပွဲ ကြေညာ စာတမ်း တွေမှာ အလုပ်အကိုင်နဲ့ သက်မွေးဝမ်းကြောင်း ပညာရေးဆိုင်ရာ ပြု လုပ်ဆောင်ရွက်မယ့် ကတိကဝတ်တွေ ပါပါတယ်။ ကျွန်တော် တို့ ဆီမှာ သက်မွေးပညာရပ် တွေ ကို သင်ကြားပေးတဲ့ Institution တွေကို လေ့လာကြည့် ဖြစ်တဲ့ အခါမှာ အစိုးရပိုင်၊ ပူးတွဲ အစို
